Фанас Салимов мезгілсіз өмірден озды
Алматылық «Қайрат» футбол клубының ардагері Фанас Салимов мезгілсіз өмірден озды.
Фанас Салимов — шымкенттік футбол мектебінің түлегі. Ол «Қайрат» сапындағы жарқын ойынымен барлық жанкүйерлердің есінде қалып, алматылық клубтың тарихындағы ең маңызды ойыншылардың бірі болып саналады. Сондай-ақ, Салимов басқа да қазақстандық және украиналық клубтар сапында ойнады, КСРО жасөсіпірмдер және жастар құрамаларына шақырылды.
Ойыншы мансабын аяқтағаннан кейін, Фанас Нагимович футбол төрешісі және бапкер ретінде жұмыс істеп, отандық футболға пайдасын тигізуді жалғастырды.
