«Мақтаарал» маусымға дайындықты бастайды

«Мақтаарал» футболы клубының оқу-жаттығу жиынына қашан кірісетіні белгілі болды. Бұл туралы команданың баспасөз қызметі хабарлады.

«Мақтаарал» құрамдағы футболшылармен оқу-жаттығу жиынын бастайды. Алғашқы жиынға 24 футболшы шақырту алды.

ОЖЖ  20-30 желтоқсан аралығында өтеді. Аптадан астам уақытқа жалғасатын жаттығу жұмыстары футболшылардың қалпына келу мақсатында өтетін болады.

Аталған жиын Мақтаарал ауданы, Атакент кенті, «Алпамыс батыр» стадионында жергілікті маман И.Д. Хамзиннің басшылығымен өтеді.