«Қызылжардың» стадионына жаңарту жұмысы жасалады

Солтүстік Қазақстан облысының әкімі Құмар Ақсақалов «Қызылжардың» стадионын еуропалық стандартқа сай етіп жаңартуға уәде берді.

«Қызылжар» футбол клубы маусымды тамаша өткізді. Чемпионат басталғанда біздің ойыншыларды аутсайдер ретінде қабылдады. Бірақ біздің жігіттер маусым бойы мінез бен сенімді ойын көрсетті. Бүгін де қызылжарлықтар соңғы минутқа дейін күресіп, «Ордабасыны» жеңді.

«Қызылжар» 4-ші орын алды. Команда 2001 жылдан бері бұлай жоғары көтерілген емес. 20 жыл! Біздің клуб жүлделі орынға ие болмаса да, еурокубокқа қатысуға мүмкіндігі жоғары. Қаламыз алғаш рет УЕФА аясындағы Конференция лигасын қабылдай алады. Біз стадионда жаңарту жұмыстарын жүргізіп, еуропалық стандарттарға сай етеміз. Жігіттер, маусым үшін мың алғыс! Қызылжар, алға!», — деп жазды Ақсақалов мырза инстаграм парақшасында.