«Омонияның» бас бапкері Берг: «Біз «Қайраттың» қандай деңгейде екенін түсінуіміз керек»
Кипрлік «Омонияның» бас бапкері Хеннинг Берг алматылық «Қайратқа» қарсы матч туралы пікірімен бөлісті.
– Конференциялар лигасында сіз «Базель», «Қарабах» және «Қайратпен» бір топта ойнайсыз.
– «Базель» Чемпиондар лигасы мен Еуропа лигасының топтық кезеңдерінде ойнады. Бұл өте жақсы команда. «Қарабахта» Еуропа лигасында ойнады, жақында олар Кипрлік командалармен ойындарды өткізді, біз оларды басқалардан сәл жақсы білеміз. «Қайрат» туралы мәлімет аз.
Олар Қазақстан чемпионатын жеңіп алды, онда командалардың деңгейі жақсы. «Қайрат» әлемнің әр бөлігінен ойыншыларды жинайды. Олардың деңгейі біздікінен жоғары, бірақ олармен ойнауға болады. Бұл жақсы топ, онда біз тәжірибе жинап аламыз. Қолымыздан келгеннің бәрін жасаймыз және топтық кезең қалай аяқталатынын алда көреміз.
– Алдағы «Қайратпен» болатын ойыннан не күтесіз?
– Өте қиын ойын күтіп тұр. «Қайрат» өз алаңында «Црвена Звезданы» жеңіп, «Маккаби» Хайфаны өтіп алды. Олардың жақсы ойыншылары бар және жалпы алғанда, олар мықты команда. Бірақ оң нәтижеге қол жеткізу үшін барлығын жасаймыз. Мұндай турнирге қатысқанымыз өте жақсы.
– Конференциялар Лигасының топтық кезеңінде команданың алдында қандай мақсаттар қойылған?
– Тағы да айтайын, біз бар күшімізді саламыз. Топта біз жеңе алмайтын командалар жоқ. «Базель» – жоғары деңгейдегі команда, «Қарабах» біздің деңгейге жақын, «Қайраттың» қандай деңгейде екенін түсінуіміз керек.
