«Шахтер» бас бапкердің болашағына қатысты шешім қабылдады

Этот пост написан пользователем Sports.ru, начать писать может каждый болельщик (сделать это можно здесь).

«Кеншілер» келесі маусымда да ресейлік маманға сенім артпақ.

Қарағандылық «Шахтер» бас бапкер Магомед Адиевпен жаңа келісім-шартқа отырады, деп хабарлайды «Тень отца Гурмана» телеграм арнасы.

«Кубокті жеңе алмағанына қарамастан, «Шахтер» басшылығы бас бапкер Магомед Адиевке келісім-шартты ұзарту туралы ұсыныс жасады. Ресейлік маман ойлануға уақыт алды, дегенмен, менің мәліметім бойынша, ол қарағандылық клубта қалғысы келеді. 100% сенімділікпен «кеншілердің» келесі маусымға жаттықтырушысы бар деп айтуға болады», – делінген дереккөздің хабарламасында.

Еске салайық, ресейлік маман қарағандылық клубты осы жылдың сәуір айында тізгіндеген болатын. Оның басшылығымен «кеншілер» Конференция лигасының плей-офф кезеңіне дейін жетіп, Қазақстан кубогінің финалында «Қайраттан» жеңіліп қалды.