Ян Вороговский: «Біз кубокті иеленгіміз келеді»

Этот пост написан пользователем Sports.ru, начать писать может каждый болельщик (сделать это можно здесь).

Вороговский бұған дейін екі мәрте ел кубогін жеңіп алған.

Қазақстан кубогінің финалдық матчы алдында «Қайраттың» қорғаушысы Ян Вороговский баспасөз мәслихатяна қатысып, жергілікті тілшілердің сұрақтарына жауап берді:

– Біз кубокті иеленгіміз келеді. Екі күн бұрын «Базельге» қарсы ойнағанымызға қарамастан, барлығы жақсы ойын көрсетіп, оң нәтижеге жетуге тырысады.

– Финалдағы қарсыласыңыз туралы не ойлайсыз?

– «Шахтер» – өте мықты команда. Олармен өткен чемпионаттағы соңғы матчтар біз үшін ауыр болды. Қарсыласымызды талдап, кездесуге дайын болатынымызға сенімдімін. Бірақ бұл қиын әрі қызықты ойын болады.

– Қазақстан кубогін екі рет жеңіп алдыңыз, финалда да екі мәрте ойнадыңыз. Финалдық матчтарға деген көзқарас пен дайындық басқа ойындардан өзгеше бола ма?

– Финал қашанда ерекше психологиялық дайындықты қажет етеді. Финал жиі бола бермейді және сіз оған ерекше дайындықпен баруыңыз керек.

– Команда Конференция лигасында сәтті өнер көрсеткен жоқ, чемпионатта үшінші орын алды. Осы маусымда Кубокті жеңу сіздер үшін жақсы нәтиже бола ма?

– «Қайрат» – Қазақстандағы ең үлкен клубтардың бірі, біз чемпионатта, кубокте және еуро додаларда әрқашан жоғары мақсаттар қоямыз. Біздің алдымызда барлығын, соның ішінде кубокті де жеңу міндеті тұрды.